Me saksar frå årsmeldingi 1984/1985

" Vestmannalaget hev teke på seg å vera utgjevar av eit nytt månadsblad, "Vestmannen". Det skal koma med fyrste nummeret no i mars. Me reknar dette for ei sers gledeleg hending. Bladet skal vera talsmann for Vestmannasynet på målreising og måldyrking. Det skal skrivast på klassisk nynorsk, men det skal sjølvsagt gjeva rom for meiningsbrytingar. Upptaket til bladet gjorde forfattaren Jostein Krokvik, Fiskåbygd på Sunnmøre i 1984. Han kom i eit brev til Vestlandske Mållag med framlegg um å skipa eit blad som kunde heita Vestmannen. Det var det namnet som ein annan sunnmøring, bladmannen Rasmus Steinsvik, sette på eitt fyrste blad, som han skipa i Volda i 1887 og som han i 1889 slo saman med "Fedraheimen". Styri i Vestlandske Mållag og Ivar Aasen- Sambandet dryfte framlegget frå Krokvik, på eit møte i Bergen 29. juni 1984. Dei tvo styri var positive. Og i møte 3. oktober 1984 gjorde so stjorni i Vestmannalaget vedtak um å yta ein startmidel på 20.000 kr. frå Fritz Monrad Walles fond til det nye bladet. Vilkåret var at det fyreåt var skaffa eit tingargrunnlag som gjorde det forsvarleg å gå i gang. I årsmøtet sitt den 16. november 1984 fylgde Vestlandske Mållag upp. Laget løyvde 10. 000 kr. i startmidel, på same vilkår som Vestmannalaget.Det vart so sett i gang tingarsanking gjenom skriv til einskildpersonar og folkeboksamlingar. Skrivet hadde dette innhaldet :

Vestmannen eit nytt blad